Improvisación teatral sobre violencia de xénero

Alumnado de 1.º, 3.º e 4.º ESO acudiu os días 24 e 25 de novembro á Biblioteca Pública de Lugo para tomar parte, por quendas, nun obradoiro de improvisación teatral con motivo do 25N, Día Internacional da Eliminación da Violencia contra a Muller.


A actividade, guiada por Ana Carreira, contacontos, narradora, dramaturga e actriz, estaba pensada para que a rapazada reflexionase, a través do teatro, acerca das súas actitudes e prexuízos en materia de violencia de xénero. Así, partindo de imaxinarias relacións de parella ás que o alumnado deu vida sobre o escenario, abordáronse cuestións como a confianza e os celos, a liberdade e o control, a benquerenza e os comportamentos tóxicos, etc.


O obradoiro, no que houbo lugar para o humor malia a seriedade da temática tratada, resultou moi dinámico e participativo e o alumnado ficou con ganas de seguir a experimentar a improvisación teatral.





Ana Rodríguez Barreiro


Comentarios