Wallace e a orixe das especies
Alumnado de 4.º ESO visitou, o 17 de novembro no Museo Interactivo da Historia de Lugo (MIHL), a exposición "Wallace e a orixe das especies", producida orixinalmente polo Museo Nacional de Ciencias Naturales (MNCN-CSIC) e organizada en Lugo polo Campus Terra da Universidade de Santiago de Compostela (USC). A mostra céntrase na figura do naturalista, explorador e xeógrafo galés Alfred Russel Wallace (1823-1913), quen, d e forma independente a Charles Darwin, formulou a teoría da selección natural como mecanismo da evolución. A través de recursos gráficos, proxeccións audiovisuais e pezas históricas (documentos, materiais científicos, exemplares de distint as especies animais etc.), o estudantado puido coñecer as expedicións de Wallace polo Amazonas e polo arquipélago malaio, así como afondar nalgúns aspectos da biodiversidade e a transformación da vida na Terra. Lourdes Novoa Álvarez e Ana Rodríguez Barreiro