As Letras de Luísa Villalta

As pasadas semanas, o alumnado do Ánxel Fole estivo a profundar na figura e na obra de Luísa Villalta (A Coruña, 1957-2004), escritora, filóloga e violinista á que se dedica o Día das Letras Galegas de 2024.

Entre outras actividades didácticas e lúdicas (visionado dos capítulos da serie documental Luísa Villalta. A rebelión da palabra, visita á exposición "Viaxe polo metaverso con Luísa Villalta", realización de xogos interactivos etc.), a rapazada de distintos grupos e niveis seleccionou e gravou textos, fundamentalmente poéticos, da autora homenaxeada.

Algúns dos vídeos serán compartidos nas redes sociais (Facebook e Instagram) na semana das Letras, co fin de contribuír a espallar a voz de Luísa Villalta entre a comunidade educativa e a cidadanía en xeral.

Ana Rodríguez Barreiro