A fábrica de poetas
"A fábrica de poetas" é a denominación do roteiro guiado polo alumnado do IES Poeta Díaz Castro de Guitiriz que percorre a vila para poñer en valor os lugares máis significativos da vida e a obra deste importante escritor chairego que dá nome ao centro dende 1994.
O día 26 de abril o alumnado de 1.º ESO B e C do noso instituto compartiu visita co de 6.º de Primaria do CEIP Lagostelle e todos/as xuntos/as puideron gozar de actividades moi entretidas:
- facer de detectives para atopar un autor descoñecido;
- descubrir o significado do poema "Penélope" na estación de tren, pola que tantas veces pasou Xosé María Díaz Castro nas súas viaxes dende Madrid;
- realizar unha poxa literaria e un bingo co léxico da obra Nimbos.
Mónica Campo Vázquez e Ana Rodríguez Barreiro
Comentarios
Publicar un comentario